Chakan Update || चाकण पोलिसांची मोठी कारवाई: गॅस टँकरमधून अवैध गॅस भरणाऱ्या टोळीचा पर्दाफाश; ४९ लाखांचा मुद्देमाल जप्त..

लोकन्याय मराठी प्रतिनिधी आशिष ढगे पाटील 

चाकण: सध्या परिसरात घरगुती गॅसची मोठी टंचाई जाणवत असतानाच, या परिस्थितीचा गैरफायदा घेऊन लोकांच्या जीविताशी खेळणाऱ्या एका टोळीवर चाकण उत्तर पोलिसांनी पहाटेच्या सुमारास मोठी कारवाई केली. या कारवाईमुळे अवैध व्यवसाय करणाऱ्यांचे धाबे दणाणले असून परिसरात मोठी खळबळ उडाली आहे.

​पोलीस पथकाची धाडसी कारवाई

चाकण उत्तर पोलीस स्टेशनचे पोलीस उपनिरीक्षक चंद्रशेखर मोरखंडे यांना खास बातमीदाराकडून माहिती मिळाली की, भोस गावच्या हद्दीत गॅस टँकरमधून अवैधपणे गॅस रिफिलिंग सुरू आहे. त्यांनी तत्काळ ही माहिती वरिष्ठ पोलीस निरीक्षकांना दिली. त्यानंतर वरिष्ठ पोलीस निरीक्षकांच्या मार्गदर्शनाखाली पथक तयार करून छापा टाकण्यात आला.

​या कारवाईत सहभागी असलेले पोलीस पथक:

• ​वरिष्ठ पोलीस निरीक्षक, चाकण उत्तर पोलीस स्टेशन

• ​पोलीस उपनिरीक्षक चंद्रशेखर मोरखंडे, ​

• पो.हवा.यादव,​पो.हवा. प्रितम ढमढेरे,​पो.हवा. कोळेकर,पो.शि. कोळी,​पो.शि. जगताप.

​काय घडले घटनास्थळी?

​३१/०३/२०२६ रोजी पहाटे ४:४० वाजता पोलिसांनी मौजे भोस गावच्या हद्दीत, चाकण-शिक्रापूर रोडवरील इंडेन कंपनीच्या पार्किंगमध्ये छापा टाकला. यावेळी एम.एच.०४ एम.एच.७७८७ या गॅस टँकरचे आउटलेट सील तोडून, कोणत्याही सुरक्षा उपकरणांशिवाय अत्यंत धोकादायक पद्धतीने घरगुती गॅस सिलिंडर भरण्याचे काम सुरू असल्याचे दिसून आले. स्वतःच्या आर्थिक फायद्यासाठी लोकांचा जीव धोक्यात घालून ही गॅस चोरी केली जात होती.

आरोपी आणि जप्त मुद्देमाल..

​याप्रकरणी पोलिसांनी खालील तिघांना अटक केली आहे:

१. अंबादास रोहिदास गाडे (वय ४२, रा. चेंबूर, मुंबई)

२. अक्षय रमेश मुंगसे (वय २५, रा. रासे, ता. खेड)

३. नवनाथ अंकुश होजगे (वय ३४, रा. भोस, ता. खेड)

• ​जप्त मुद्देमाल: गॅस टँकर, साहित्य आणि गॅससह एकूण ४९,५७,६०० रुपयांचा ऐवज पोलिसांनी हस्तगत केला आहे.

तात्काळ ​गुन्हा दाखल..

आरोपींविरुद्ध चाकण उत्तर पोलीस स्टेशनमध्ये गुन्हा रजि. नं. २८९/२०२६ अन्वये भारतीय न्याय संहिता (BNS) आणि जीवनावश्यक वस्तू कायद्याच्या विविध कलमान्वये गुन्हा दाखल करण्यात आला आहे. गॅस टंचाईच्या काळात पोलिसांनी केलेल्या या धडाकेबाज कारवाईचे सर्वत्र कौतुक होत आहे.