Political Activity || वाडा ग्रामपंचायतीच्या उपसरपंचपदी निलेश घनवट यांची दणदणीत निवड; जिल्हा परिषद सदस्य समीरभाऊ सुपे यांच्या नेतृत्वाचा प्रभाव!
अविश्वास ठरावानंतर पार पडली प्रक्रिया; १३ पैकी ११ सदस्यांचा घनवट यांच्या बाजूने भक्कम कौल..
लोकन्याय मराठी प्रतिनिधी आशिष ढगे पाटील
वाडा(ता. खेड) : खेड तालुक्याच्या पश्चिम भागातील महत्त्वाची बाजारपेठ आणि राजकीयदृष्ट्या संवेदनशील मानल्या जाणाऱ्या वाडा ग्रामपंचायतीच्या उपसरपंचपदी निलेश घनवट यांची बहुमताने निवड झाली आहे. माजी उपसरपंच श्री. रोहिदास नाना शेटे यांच्याविरोधातील अविश्वास ठराव मंजूर झाल्यानंतर रिक्त झालेल्या उपसरपंच पदासाठी ही विशेष निवडणूक प्रक्रिया पार पडली. या निवडणुकीत एकूण १३ पैकी उपस्थित राहिलेल्या सर्वच्या सर्व ११ सदस्यांनी निलेश घनवट यांच्या बाजूने कौल दिला.
या निवडीमुळे स्थानिक राजकीय पटलावर जिल्हा परिषद सदस्य समीर सुपे यांच्या नेतृत्वाची मजबूत छाप पुन्हा एकदा अधोरेखित झाली आहे.
शब्द' न पाळल्याने राजकीय समीकरणांना नवे वळण..
वाडा ग्रामपंचायत आणि विविध कार्यकारी सेवा सहकारी संस्थेच्या निवडणुका यापूर्वी बिनविरोध पार पडल्या होत्या. मात्र, उपसरपंचपदाच्या कार्यकाळाबाबत दिलेला शब्द वेळेत पाळला न गेल्याने सदस्यांमध्ये तीव्र नाराजी पसरली होती. अंतर्गत असंतोषातून अखेर माजी उपसरपंचांवर अविश्वास ठराव आणण्यात आला आणि तो बहुमताने मंजूर झाला. त्यानंतर लागलीच ही निवडणूक प्रक्रिया हाती घेण्यात आली.
मोहिते पाटील समर्थकांची साथ आणि एकजूट..
या निवडीत जिल्हा परिषद सदस्य श्री. समीरभाऊ सुपे यांचे नेतृत्व आणि माजी आमदार श्री. दिलीपशेठ मोहिते पाटील यांच्या समर्थकांचे सहकार्य निर्णायक ठरल्याची चर्चा राजकीय वर्तुळात आहे. वाडा गावच्या लोकनियुक्त सरपंच सौ. रूपालीताई शिवाजी मोरे आणि उपस्थित सर्व सदस्यांनी एकमुखाने हा निर्णय घेत घनवट यांच्या निवडीवर शिक्कामोर्तब केले.
प्रमुख उपस्थिती व मतदान प्रक्रिया...
निवडणूक प्रक्रियेदरम्यान आणि निवडीनंतर माजी सरपंच जाकीर शेख तांबोळी, शिवाजीशेठ मोरे, वसंत शेटे, भगवान लांडगे, अशोक लांडगे, सुनील पावडे आणि माजी उपसरपंच ज्ञानदेव सुरकुले गुरुजी आदी मान्यवर उपस्थित होते.
या विशेष सभेत एकूण १३ सदस्यांपैकी २ सदस्य अनुपस्थित होते; तर सरपंच रूपालीताई शिवाजी मोरे, उपसरपंच निलेश घनवट, काळुराम सुपे, निलमताई वाडेकर, दिलीप सुपे, दगडू भांगे, सुभद्राताई आंद्रे, प्रतिमाताई वाभुरे, सुनंदा मोसे, सुरेखा सुपे आणि महेश नेहरे या ११ सदस्यांनी उपस्थित राहून एकमताने कौल दिला.
निलेश घनवट यांची निवड जाहीर होताच कार्यकर्त्यांनी फटाक्यांची आतषबाजी व गुलालाची उधळण करत जल्लोष साजरा केला.
What's Your Reaction?
Like
2
Dislike
1
Love
0
Funny
0
Angry
0
Sad
0
Wow
0
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
