Political Activity || बिरदवडीचे मा.आदर्श सरपंच बाबासाहेब पवार यांची चाकण विविध कार्यकारी सोसायटीच्या 'तज्ञ संचालक' पदी निवड!

लोकन्याय मराठी प्रतिनिधी आशिष ढगे पाटील 

चाकण : खेड तालुक्यातील राजकीय वर्तुळातून एक महत्त्वाची बातमी समोर आली आहे. बिरदवडी गावचे माजी आदर्श सरपंच श्री. बाबासाहेब पवार यांची चाकण विविध कार्यकारी सोसायटीच्या तज्ञ संचालक पदी अत्यंत (प्रभावी) आणि मानाच्या पदावर एकमुखी निवड करण्यात आली आहे. त्यांच्या या निवडीमुळे सहकार आणि राजकीय वर्तुळातून त्यांच्यावर अभिनंदनाचा वर्षाव होत आहे.

दीर्घकाळ राजकीय व सामाजिक सेवा...

​ बाबासाहेब पवार यांनी आपल्या प्रदीर्घ राजकीय व सामाजिक जीवनात तब्बल २५ वर्षे बिरदवडी गावच्या ग्रामपंचायतचे सदस्य, आदर्श सरपंच आणि उपसरपंच अशी विविध महत्त्वाची पदे अत्यंत यशस्वीपणे भूषविली आहेत. याशिवाय, त्यांनी खेड तालुक्यातील राष्ट्रवादी काँग्रेस पक्षाच्या सेवा दलाचे अध्यक्षपदही अत्यंत निष्ठापूर्वक आणि यशस्वीपणे पार पाडले आहे.

निर्णायक राजकीय वजन आणि सहकाराला फायदा..

खेड तालुक्याच्या राजकारणात बाबासाहेब पवार यांचे प्रस्थ आणि वजन पाहता, त्यांची प्रत्येक भूमीका तालुक्याच्या राजकारणात अत्यंत निर्णायक ठरते. तळागाळातील लोकांच्या प्रश्नांची जाण आणि प्रशासकीय कामाचा दांडगा अनुभव त्यांच्या पाठीशी आहे. अशा अनुभवी आणि खमक्या नेतृत्वाची चाकणसारख्या मोठ्या आणि महत्त्वाच्या सहकारी सोसायटीच्या 'तज्ञ संचालक' पदी निवड झाल्यामुळे, त्यांच्या या समृद्ध राजकीय व सहकार क्षेत्रातील अनुभवाचा संस्थेच्या प्रगतीसाठी आणि विकासासाठी नक्कीच मोठा फायदा होईल, असा विश्वास सहकार क्षेत्रातील जाणकारांकडून व्यक्त केला जात आहे.

सध्या त्यांच्या या गौरवास्पद निवडीबद्दल विविध राजकीय पक्षांचे नेते, सामाजिक कार्यकर्ते, ग्रामस्थ आणि हितचिंतकांकडून त्यांच्यावर अभिनंदनाचा वर्षाव होत आहे.