मोठी बातमी : आळंदीत गुन्हे शाखेची धडाकेबाज कारवाई: ३३७ ग्रॅम गांजासह दोन आरोपी जेरबंद..!
लोकन्याय मराठी प्रतिनिधी आशिष ढगे पाटील
पुणे(आळंदी) : आळंदी पोलीस स्टेशनच्या हद्दीत अमली पदार्थांच्या विरोधात गुन्हे शाखा युनिट-३ ने मोठी कारवाई केली आहे. या कारवाईत पोलिसांनी दोन जणांना ३३७ ग्रॅम गांजासह रंगेहात पकडले असून, त्यांच्याकडून स्कुटीसह ७६ हजार ८५० रुपयांचा मुद्देमाल जप्त करण्यात आला आहे.
नेमकी घटना काय?
गुन्हे शाखा युनिट-३ चे वरिष्ठ पोलीस निरीक्षक संतोष कसबे यांच्या मार्गदर्शनाखाली पोलीस उपनिरीक्षक सुनील जावळे, पोलीस हवालदार श्रीधन इचके, पोलीस अंमलदार निखिल फापाळे, बाळासाहेब भांगले, सुंदर थोरात, तुषार वराडे आणि स्वप्नील महाले हे पथक परिसरात पेट्रोलींग करत होते. दरम्यान, पोलीस हवालदार श्रीधन इचके आणि पोलीस अंमलदार निखिल फापाळे यांना बातमीदाराकडून माहिती मिळाली की, दोन इसम आळंदी घाटाच्या परिसरात गांजा घेऊन येणार आहेत.
मिळालेल्या माहितीनुसार, गुन्हे शाखेच्या पथकाने तत्काळ सापळा रचला आणि संशयित आरोपींना गांजासह ताब्यात घेतले. याप्रकरणी एन.डी.पी.एस. कायदा कलम ८ (क), २० (ब) (ii) (अ), २९ नुसार गुन्हा दाखल करण्यात आला आहे.
ताब्यात घेतलेले आरोपी:
१) विनयदिप गंगाधर मानवते (वय २९, रा. चिंबळी, ता. खेड, जि. पुणे; मूळ रा. आरळ, ता. वसमत, जि. हिंगोली)
२) इस्माईल मगबुल पठाण (वय २५, रा. गायकवाड वस्ती, कुरुळी, ता. खेड, जि. पुणे; मूळ रा. इंदिरा नगर, जि. सोलापूर)
तसेच, या गुन्ह्यात सहभागी असलेला 'मनीष' नावाचा तिसरा आरोपी सध्या फरार असून पोलीस त्याचा शोध घेत आहेत.
जप्त केलेला मुद्देमाल:
• १६ हजार ८५० रुपये किमतीचा ३३७ ग्रॅम गांजा
• ६० हजार रुपये किमतीची स्कुटी
• एकूण जप्त माल: ७६ हजार ८५० रुपये
सदर प्रकरणाचा पुढील तपास आळंदी पोलीस स्टेशनचे तपास पथक करत आहे. गुन्हे शाखा युनिट-३ च्या या कारवाईमुळे आळंदी परिसरातील अमली पदार्थ विक्री करणाऱ्यांमध्ये खळबळ उडाली आहे.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
