Gang Rape || शिरूरमध्ये माणुसकी वेशीवर टांगली! २२ वर्षीय तरुणीवर लॉजमध्ये गँगरेप; ७ वासनांधीनाना फाशीची शिक्षा देण्याची जनतेतून मागणी..!

लोकन्याय मराठी प्रतिनिधी आशिष ढगे पाटील 

शिरूर :: पुणे जिल्ह्यातील शिरूर शहरात मानवतेला काळीमा फासणारी एक अत्यंत संतापजनक आणि चीड आणणारी घटना समोर आली आहे. चांगल्या पगाराच्या कामाचे आमिष दाखवून एका २२ वर्षीय परप्रांतीय तरुणीला लॉजवर नेत, तिच्यावर गुंगीचे औषध देऊन सामूहिक बलात्कार (गँगरेप) केल्याचा धक्कादायक प्रकार उघडकीस आला आहे. या प्रकरणी शिरूर पोलीस ठाण्यात एकूण ७ जणांविरुद्ध भारतीय न्याय संहितेच्या (BNS) गंभीर कलमांन्वये गुन्हा दाखल करण्यात आला आहे.

नशायुक्त पावडर देऊन सलग दोन दिवस अत्याचार.. 

मिळालेल्या माहितीनुसार, मूळ छत्तीसगड येथील रहिवासी असलेली आणि सध्या चाकणजवळील खराबवाडी येथे वास्तव्यास असणारी २२ वर्षीय पीडित तरुणी नोकरीच्या शोधात होती. संशयित आरोपींनी तिला चांगल्या पैशांचे काम मिळवून देण्याचे आमिष दाखवले आणि कारमधून शिरूर येथील ‘हॉटेल मार्वल इन लॉजिंग’ येथे आणले.

दिनांक १९ ऑगस्ट ते २१ ऑगस्ट दरम्यान, आरोपींनी पीडितेला पांढऱ्या रंगाची नशा येणारी पावडर जबरदस्तीने खाऊ घालून तिची शुद्ध हरपवली. त्यानंतर तिच्या इच्छेविरुद्ध, बेदम अत्याचार करत वारंवार सामूहिक बलात्कार केला. तसेच इतर आरोपींनी तिला लज्जा उत्पन्न होईल असे वर्तन करून शिवीगाळ व दमदाटी केल्याचे फिर्यादीत नमूद आहे.

गुन्हा दाखल झालेले आरोपी:

१. दीपक श्रीमंदीलकर, २. अजय घेगडे, ३. ऋषीकेश ढवळे, ४. दीपक भोसले, ५. सागर ढवळे, ६. अनिकेत पठारे, ७. एक अनोळखी इसम सर्व नराधमांना फाशी किंवा कठोर जन्मठेप देण्याची जनतेतून मागणी होत आहे. 

शिरूर पोलीस ठाण्यात या प्रकरणी गुन्हा रजिस्टर नंबर ७५६/२०२६ नुसार भा.न्या.सं. कलम ६४, ७०(१), ७४, ७६, १२३, १२७(२), ३५२, ३५१(२), ३५१(३), ३(५) अंतर्गत गुन्हा दाखल करण्यात आला आहे.

सदर प्रकरणाचा तपास पोलीस उपनिरीक्षक नकाते करत असून, प्रभारी अधिकारी पोलीस निरीक्षक विनोद पाटील यांच्या मार्गदर्शनाखाली पुढील कारवाई सुरू आहे. निष्पाप परप्रांतीय तरुणीला जाळ्यात ओढून तिच्यावर पाशवी अत्याचार करणाऱ्या अशा वासनांध नराधमांवर फास्ट ट्रॅक कोर्टात खटला चालवून त्यांना फाशी किंवा जन्मठेपेसारखी अत्यंत कठोर शिक्षा झालीच पाहिजे, असा संताप सर्वसामान्य नागरिकांमधून व्यक्त होत आहे.