Criminal Update || प्रतिपंढरपूर कडूसमध्ये संतापाची लाट; गोहत्येच्या निषेधार्थ आज 'कडूस बंद'ची हाक, धडकणार भव्य मोर्चा..!

लोकन्याय मराठी प्रतिनिधी आशिष ढगे पाटील 

कडूस(खेड) : प्रति पंढरपूर' म्हणून ओळख असणाऱ्या श्रीक्षेत्र कडूस येथे घडलेल्या गोहत्येच्या संतापजनक घटनेच्या निषेधार्थ आज, १ सप्टेंबर रोजी कडूस गाव कडकडीत बंद ठेवण्याचा निर्णय घेण्यात आला आहे. बजरंग दल (कडूस शाखा) आणि गोरक्षा विभागाच्या वतीने हा बंद पुकारण्यात आला असून संपूर्ण गावात तीव्र संतापाची लाट उसळली आहे.

हिंदू धर्मातील पवित्र श्रावणी सोमवार आणि गणेशोत्सवाच्या पूर्वसंध्येला कडूस परिसरातील तुरुकवाडी येथे काही समाजकंटकांनी दोन गोमातांची निर्घृण कत्तल केल्याचा धक्कादायक प्रकार ३१ ऑगस्ट रोजी समोर आला. यापूर्वीही आषाढी एकादशीसारख्या पवित्र दिवशी अशाच प्रकारे गोहत्या करण्यात आली होती. हिंदूंच्या सणांच्या दिवशी जाणीवपूर्वक असे प्रकार करून धार्मिक भावना दुखावल्या जात असल्याचा आरोप स्थानिक नागरिक व हिंदुत्ववादी संघटनांनी केला आहे.

आज सकाळी १० वाजता निघणार भव्य निषेध मोर्चा...

या घटनेच्या निषेधार्थ आणि दोषींवर तात्काळ कठोर कायदेशीर कारवाई करण्याच्या मागणीसाठी आज सकाळी १०:०० वाजता निषेध मोर्चा काढण्यात येणार आहे. हा मोर्चा श्री भैरवनाथ महाराज मंदिरापासून सुरू होऊन ग्रामपंचायत कार्यालयावर धडकणार आहे.

​या निंदनीय घटनेचा निषेध करण्यासाठी आणि गोवंश हत्या करणाऱ्या समाजकंटकांना चाप लावण्यासाठी सर्व ग्रामस्थ, व्यापारी आणि हिंदुत्ववादी कार्यकर्त्यांनी बंदमध्ये सहभागी होऊन मोर्चात मोठ्या संख्येने उपस्थित राहावे, असे आवाहन आयोजकांकडून करण्यात आले आहे.