Police Activity || पोलिसांचे आदेश धाब्यावर बसवून डीजे वाजवणे भोवले; कुरुळी येथे एकावर गुन्हा दाखल करून डीजे व गाडी पोलिसांकडून जप्त..!
लोकन्याय मराठी प्रतिनिधी आशिष ढगे पाटील
कुरुळी (ता. खेड) : पोलिसांच्या कायदेशीर आदेशांचकडे जाणीवपूर्वक दुर्लक्ष करून सार्वजनिक ठिकाणी बेधडक डीजे सुरू ठेवल्याप्रकरणी एका तरुणावर दक्षिण महाळुंगे एमआयडीसी पोलीस ठाण्यात गुन्हा दाखल करण्यात आला आहे.
सुधीर तुकाराम दरेकर (वय वर्षे, रा. सुम्ब्रेनगर, वाकी खुर्द, ता. खेड, जि. पुणे) असे गुन्हा दाखल झालेल्या संशयित आरोपीचे नाव आहे. याप्रकरणी पोलीस शिपाई सुनील धोंडिराम बनकर (वय ४०, नेमणूक - दक्षिण महाळुंगे एमआयडीसी पोलीस ठाणे) यांनी सरकारतर्फे फिर्याद दिली आहे.
नेमकी घटना काय?
पोलिसांनी दिलेल्या माहितीनुसार, दिनांक १९ सप्टेंबर २०२६ रोजी दुपारी १:०० वाजेच्या सुमारास मौजे कुरुळी (ता. खेड) गावच्या हद्दीत सॅनी कंपनीकडून निघोजेकडे जाणाऱ्या सार्वजनिक रस्त्यावरील सॅनी चौकात, ॲक्युरोब क्रॉपटेक कंपनीजवळ ही घटना घडली. आरोपी सुधीर दरेकर याने सक्षम प्राधिकाऱ्यांच्या व पोलिसांच्या कायदेशीर आदेशांचे उल्लंघन करत डीजे सुरूच ठेवला होता.
या प्रकारामुळे ध्वनीप्रदूषण व सार्वजनिक शांततेचा भंग झाल्याने पोलिसांनी तत्काळ कारवाई करत आरोपीविरुद्ध भारतीय न्याय संहिता (BNS), २०२३ चे कलम २२३, २७०, २९३ तसेच महाराष्ट्र पोलीस अधिनियम, १९५१ चे कलम ३६/१३४, ३७(१)(ई)/१३५(i), ३८(अ)(i)/१३६ अन्वये गुन्हा दाखल करून डीजे व गाडी पोलिसांनी जप्त केली आहे.
घटनेची माहिती मिळताच वरिष्ठ पोलीस निरीक्षक विजय ढमाळ, पोलीस उपनिरीक्षक पिंजारी आणि पोलीस उपनिरीक्षक मोगले यांनी घटनास्थळी भेट देऊन पाहणी केली. या प्रकरणाचा पुढील तपास पोलीस उपनिरीक्षक करे करत आहेत.
What's Your Reaction?
Like
3
Dislike
0
Love
0
Funny
0
Angry
1
Sad
0
Wow
1
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
