Crime Update || दहशत माजवण्यापूर्वीच डाव फसला; चिंचोशीचा तरुण घातक तलवारीसह जेरबंद..!
लोकन्याय मराठी प्रतिनिधी आशिष ढगे पाटील
चाकण : परिसरात कायदा व सुव्यवस्था अबाधित राखण्यासाठी आणि गुन्हेगारी प्रवृत्तींना आळा घालण्यासाठी पेट्रोलिंग करणाऱ्या चाकण उत्तर पोलिसांनी एका १९ वर्षीय तरुणाला धारदार तलवारीसह ताब्यात घेतले आहे. आकाश नवनाथ लोखंडे (वय १९ वर्षे, रा. चिंचोशी) असे या कारवाईत पकडण्यात आलेल्या तरुणाचे नाव असून, त्याच्याकडून बेकायदेशीर बाळगलेली घातक तलवार जप्त करण्यात आली आहे.
पिंपरी-चिंचवड पोलीस आयुक्तालयाच्या हद्दीत अवैध शस्त्रे बाळगणाऱ्यांवर कडक कारवाईचे निर्देश देण्यात आले आहेत. त्यानुसार चाकण उत्तर पोलीस ठाण्याचे तपास पथक हद्दीत गस्त घालत असताना पथकाला एका संशयित तरुणाबाबत गोपनीय माहिती मिळाली. माहिती मिळताच पोलिसांनी सापळा रचून कारवाई केली असता आकाश लोखंडे याच्याकडे धारदार तलवार आढळून आली. पोलिसांनी तात्काळ ती तलवार जप्त करत आरोपीला ताब्यात घेतले.
या प्रकरणी आकाश लोखंडे विरुद्ध भारतीय शस्त्र अधिनियम (आर्म्स ॲक्ट) कलम ४/२५ सह महाराष्ट्र पोलीस अधिनियम कलम १३५ अन्वये गुन्हा दाखल करण्यात आला असून, पुढील तपास पोलीस करत आहेत.
कारवाई करणारे पोलीस पथक
सदर धडक कामगिरी पोलीस उपायुक्त मारुती जगताप, सहाय्यक पोलीस आयुक्त योगेश रांजणकर, वरिष्ठ पोलीस निरीक्षक जितेंद्र कदम तसेच पोलीस निरीक्षक (गुन्हे) प्रशांत आरदवाड यांच्या मार्गदर्शनाखाली करण्यात आली.
तपास पथकातील पोलीस उपनिरीक्षक मोरखांडे, पोलीस अंमलदार शिंदे, कोळेकर, ढमढेरे, लोखंडे, कोळी, जगताप आणि सांडभोर यांनी ही यशस्वी कारवाई पार पाडली.
What's Your Reaction?
Like
1
Dislike
0
Love
0
Funny
0
Angry
0
Sad
0
Wow
0
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
