मोठी बातमी : "आधी मैत्री, मग शारीरिक संबंध अन् शेवटी ३० लाखांची 'धमकी'; वाकी बुद्रुकच्या तरुणाची पोलिसांत धाव"
लोकन्याय मराठी प्रतिनिधी आशिष ढगे पाटील
चाकण: शारीरिक संबंधाची तक्रार न करण्यासाठी एका तरुणाकडे ३० लाख रुपये आणि फ्लॅटची मागणी करत, त्याला ब्लॅकमेल करणाऱ्या एका ४७ वर्षीय महिलेविरुद्ध उत्तर चाकण पोलीस ठाण्यात गुन्हा दाखल करण्यात आला आहे.
नेमकी घटना काय?
मिळालेल्या माहितीनुसार, २७ वर्षीय फिर्यादी तरुण व आरोपी महिला कल्पना मारुती गाडे (वय ४७, रा. भोसरी) यांच्यात २०१२ पासून ओळख होती. या काळात त्यांच्यात असलेल्या शारीरिक संबंधाबाबत कुठेही वाच्यता न करण्यासाठी आणि तक्रार न करण्यासाठी आरोपी महिलेने फिर्यादी तरुणांकडे वारंवार पैशांची मागणी केली.
हॉटेलमध्ये बोलावून धमकावले
दिनांक २४/०१/२०२६ रोजी आरोपीने फिर्यादी तरुण आणि त्याच्या नातेवाईकांना चाकण येथील हॉटेलमध्ये बोलावले. तिथे तिने "मला ३० लाख रुपये आणि एक फ्लॅट दे, नाहीतर तुझ्यावर बलात्काराची केस करीन," अशी धमकी दिली.
लाखांची रोकड स्वीकारली..
धमकीला घाबरून फिर्यादीने त्याच दिवशी ९९,००० रुपये यूपीआय (UPI) द्वारे आणि ५,०१,००० रुपये रोख, असे एकूण ६ लाख रुपये आरोपी महिलेला दिले. मात्र, उर्वरित रक्कम आठ दिवसांत न दिल्यास पुन्हा खोट्या गुन्ह्यात अडकवण्याची धमकी दिल्याने अखेर फिर्यादी तरुण यांनी पोलिसांत धाव घेतली.
पोलिस कारवाई:
याप्रकरणी उत्तर चाकण पोलिसांनी बी.एन.एस. कलम ३०८(१), (२), (३) आणि ३५१(२) अन्वये गुन्हा दाखल केला आहे. वरिष्ठ पोलीस निरीक्षक जितेंद्र कदम यांच्या मार्गदर्शनाखाली सहाय्यक पोलीस निरीक्षक कदम या प्रकरणाचा पुढील तपास करत आहेत.
What's Your Reaction?
Like
1
Dislike
1
Love
1
Funny
0
Angry
2
Sad
2
Wow
0
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
