Extortion Case || चाकण हादरले: खंडणीखोरीचा प्रयत्न करणाऱ्या 'मनसे' पदाधिकाऱ्याला बेड्या; खंडणी विरोधी पथकाची धडक कारवाई..!
लोकन्याय मराठी प्रतिनिधी आशिष ढगे पाटील
आळंदी : सुरक्षेचा व्यवसाय बंद पाडण्याची धमकी देऊन, जीवे मारण्याची भीती घालून खंडणी उकळणाऱ्या एका रेकॉर्डवरील आरोपीला खंडणी विरोधी पथकाने गजाआड केले आहे. या कारवाईत अटक करण्यात आलेल्या आरोपीचे नाव महेश सखाराम शिरोळे असे असून, तो चाकण येथील रहिवासी आहे.
नेमके काय घडले?
मिळालेल्या माहितीनुसार, आरोपी महेश शिरोळे याने फिर्यादी यांना 'जर तुला सिक्युरिटीचा व्यवसाय चालवायचा असेल, तर मला १० लाख, ८ लाख, ७ लाख व ६ लाख रुपये द्यावे लागतील', अशी मागणी केली होती. तसेच, 'चाकणमध्ये माझी मोठी दहशत आहे, अन्यथा मी तुला खल्लास करून टाकेन', अशी गंभीर धमकी दिली होती. या दबावामुळे फिर्यादीने खंडणी विरोधी पथकाच्या मोरवाडी, पिंपरी येथील कार्यालयात धाव घेऊन तक्रार दाखल केली.
अशी झाली कारवाई:
तडजोडीअंती ३ लाख रुपये स्वीकारताना खंडणी विरोधी पथकाने ३० जून २०२६ रोजी आळंदी-पुणे रस्त्यावरील मॅक्झिम चौकातील स्वच्छतागृहाजवळ सापळा रचून आरोपीला शिताफीने ताब्यात घेतले. आरोपीवर भारतीय न्याय संहिता २०२३ च्या कलम ३०८(२) आणि ३०८(५) अन्वये गुन्हा दाखल करण्यात आला आहे.
जप्त केलेला मुद्देमाल:
कारवाई दरम्यान आरोपीकडून खालील मुद्देमाल जप्त करण्यात आला आहे:
• ६,००० रुपये रोख (ज्यात ५०० रुपयांच्या खऱ्या नोटा आणि चिल्ड्रन बँक ऑफ इंडियाच्या ५०० रुपयांच्या डमी नोटांचा समावेश आहे).
• ५०,००० रुपये किमतीचा आयफोन-१३ मोबाईल.
• १०,५०,००० रुपये किमतीची मारुती सुझुकी ब्रिझा कार (क्रमांक MH-14-ND-6297).
• एकूण जप्त मुद्देमाल: ११,०६,००० रुपये.
सदर हि यशस्वी कारवाई खंडणी विरोधी पथकाचे वपोनि राजेंद्र पाटील यांच्या मार्गदर्शनाखाली करण्यात आली असून, यामध्ये पथकातील पोलीस उपनिरीक्षक अमर राऊत, सहाय्यक पोलीस उपनिरीक्षक कानगुडे, तसेच प्रदीप पोटे, प्रदीप गोडांबे, चंद्रकांत जाधव, गणेश गिरीगोसावी, किरण जाधव, किशोर कांबळे आणि संदीप गंगावणे व निलेश जाधव यांचा समावेश होता.
What's Your Reaction?
Like
5
Dislike
1
Love
0
Funny
0
Angry
1
Sad
4
Wow
0
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
