राजकीय : नाणेकरवाडी -महाळुंगे जिल्हा परिषदेचे नवनियुक्त जिल्हा परिषद गणेश बोत्रे यांचा मित्रपरिवाराकडून नागरी सत्कार..!

लोकन्याय मराठी प्रतिनिधी आशिष ढगे पाटील 

​चाकण : खालुंब्रे गावातील ग्रामस्थांच्या वतीने नवनिर्वाचित जिल्हा परिषद सदस्य गणेश बोत्रे यांचा भव्य सत्कार सोहळा अत्यंत उत्साहात संपन्न झाला. यावेळी उपस्थित मित्रपरिवाराने बोत्रे यांना आगामी काळात जिल्हा परिषद अध्यक्षपदाची संधी मिळावी, अशी इच्छा व्यक्त करत त्यांना शुभेच्छा दिल्या.

​जनतेच्या विश्वासाला पात्र ठरेन: सत्काराला उत्तर देताना गणेश बोत्रे भावूक झाले. ते म्हणाले की, "माझ्या ग्रामस्थांनी दिलेले हे प्रेम आणि दाखवलेला विश्वास हीच माझी खरी शिदोरी आहे. गावाच्या सर्वांगीण विकासासाठी आणि जनतेच्या विश्वासाला पात्र ठरण्यासाठी मी रक्ताचे पाणी करेन आणि सदैव तत्पर राहीन."

​सामाजिक कार्याची दखल: सामाजिक बांधिलकी, कामातील तत्परता आणि दांडगा जनसंपर्क ही गणेश बोत्रे यांची ओळख आहे. सामान्यांचे प्रश्न मार्गी लावण्यासाठी ते नेहमी अग्रेसर असतात, अशा शब्दांत उपस्थितांनी त्यांचे कौतुक केले.

​विशेष उपस्थिती: या सोहळ्याचे खास आकर्षण म्हणजे गणेश बोत्रे यांच्या वर्गशिक्षिका तळपे मॅडम यांची लाभलेली प्रमुख उपस्थिती. आपल्या विद्यार्थ्याचा सन्मान होताना पाहून त्यांनीही समाधान व्यक्त केले.

​उपस्थित मान्यवर:

​या कार्यक्रमाला सोमनाथ बोत्रे, समीर बोत्रे, शरद बोत्रे, तानाजी बोत्रे, सचिन बोत्रे, सुधीर बोत्रे, अतुल बोत्रे, कैलास बोत्रे, कृष्णा बोत्रे, नवनाथ पवार, सचिन हरगुडे, अंकुश बोत्रे, रेणुश बोत्रे, अर्चना येळवंडे, योगेश्री बवले, जयश्री बवले यांच्यासह मोठा मित्र परिवार आणि ग्रामस्थ मोठ्या संख्येने उपस्थित होते.

​मित्रपरिवाराच्या एकजुटीमुळे आणि उत्साही वातावरणामुळे हा सोहळा खऱ्या अर्थाने संस्मरणीय ठरला.