Woman Murdered || वृद्धेचा गळा दाबून खून; सोन्याचे दागिने लुटून मृतदेह गोणीत भरून इंद्रायणीत फेकला.!
लोकन्याय मराठी प्रतिनिधी आशिष ढगे पाटील
चाकण(पुणे): खेड तालुक्यातील करंजविहीरे येथे सोन्याच्या दागिन्यांसाठी एका नराधमाने ८० वर्षीय वृद्धेची अमानुष हत्या केल्याची खळबळजनक घटना उघडकीस आली आहे. विशेष म्हणजे, आरोपीने खून केल्यानंतर पुरावा नष्ट करण्यासाठी मृतदेह प्लास्टिकच्या गोणीत भरला आणि करंजविहीरे ते धामणे रस्त्यावर असणाऱ्या भामा नदीच्या पात्रात फेकून दिला.
नेमकी घटना काय?
मौज करंजविहीरे येथील मरगज वस्तीवर राहणाऱ्या सिंधुबाई विठोबा मरगज (वय ८० वर्षे) या २ मे २०२६ रोजी सायंकाळी ८:०० च्या सुमारास वस्तीवरील पायटा (पानंद रस्ता) जात असताना ही घटना घडली. त्याच गावातील रहिवासी असलेल्या आरोपी कैलास कुंडलिक मरगज (वय ३६ वर्षे) याने सिंधुबाई यांच्याकडील सोन्याचे दागिने जबरदस्तीने हिसकावून घेण्याच्या उद्देशाने त्यांचा गळा दाबून खून केला.
नदी पात्रात मृतदेहाची विल्हेवाट..
खून केल्यानंतर आरोपीने वृद्धेच्या अंगावरील दागिने काढून घेतले. हा गुन्हा लपवण्यासाठी त्याने सिंधुबाईंचा मृतदेह एका प्लास्टिकच्या गोणीत भरला आणि करंजविहीरे ते धामणे रस्त्यावर असणाऱ्या भामा नदीच्या पुलावरून नदी पात्रात फेकून दिला.
असा झाला खुलासा..
मयत सिंधुबाई यांचा नातू समीर बाळू मरगज (वय २७ वर्षे) यांनी या प्रकरणी उत्तर महाळुंगे पोलीस ठाण्यात फिर्याद दिली आहे. या तक्रारीनंतर पोलिसांनी वेगाने चक्रे फिरवत या प्रकरणाचा उलगडा केला.
पोलीस कारवाई..
उत्तर महाळुंगे एमआयडीसी पोलिसांनी आरोपी कैलास मरगज याच्याविरुद्ध भारतीय न्याय संहिता (BNS) २०२३ च्या कलम १०३(१), ३०९(६) आणि २३८ अन्वये गुन्हा दाखल केला आहे.
कौटुंबिक नात्याला काळिमा फासणाऱ्या या क्रूर घटनेमुळे संपूर्ण परिसरात भीतीचे आणि संतापाचे वातावरण पसरले आहे.
या घटनेचा पुढील तपास उत्तर महाळुंगे पोलीस ठाण्याचे वरिष्ठ पोलीस निरीक्षक दिगंबर सूर्यवंशी याच्या मार्गदर्शनाखाली पोलीस उपनिरीक्षक सचिन महाडिक हे करत आहेत.
What's Your Reaction?
Like
1
Dislike
1
Love
0
Funny
0
Angry
0
Sad
0
Wow
0
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
