Ambedkar Jayanti || डॉ. बाबासाहेब आंबेडकर जयंती: दक्षिण महाळुंगे पोलीस स्टेशनच्या हद्दीत नियमावली जाहीर; शांतता समितीच्या बैठकीत महत्त्वाच्या सूचना..!
लोकन्याय मराठी प्रतिनिधी आशिष ढगे पाटील
महाळुंगे इंगळे(चाकण) : आगामी भारतरत्न डॉ. बाबासाहेब आंबेडकर जयंतीच्या निमित्ताने कायदा व सुव्यवस्था राखण्यासाठी दक्षिण महाळुंगे पोलीस स्टेशन येथे गुरुवारी (दि. ०९ एप्रिल) रात्री ८ ते ९ या वेळेत विशेष बैठकीचे आयोजन करण्यात आले होते. या बैठकीत जयंती साजरी करणाऱ्या मंडळाचे पदाधिकारी, शांतता कमिटी सदस्य आणि पोलीस पाटील उपस्थित होते.
उत्सव शांततेत आणि शिस्तबद्ध पद्धतीने साजरा व्हावा, यासाठी दक्षिण महाळुंगे पोलीस स्टेशनच्या वतीने खालील महत्त्वपूर्ण सूचना आणि नियमावली लागू करण्यात आली आहे:
१. सामाजिक आणि शैक्षणिक उपक्रमांना प्राधान्य
जयंतीच्या निमित्ताने केवळ मिरवणुकांवर खर्च न करता, रक्तदान शिबिर, मोफत आरोग्य तपासणी आणि गरजू विद्यार्थ्यांना शैक्षणिक साहित्य वाटप करण्यावर भर द्यावा. तसेच बाबासाहेबांच्या जीवनावर आधारित व्याख्यानमाला, निबंध व वक्तृत्व स्पर्धांचे आयोजन करून त्यांच्या विचारांचा प्रसार करावा, असे आवाहन पोलिसांनी केले.
२. डी.जे. वर बंदी आणि ध्वनी प्रदूषण नियम..
मिरवणुकीदरम्यान कोणत्याही मंडळाला डी.जे. सिस्टीम वापरता येणार नाही. शासनाने ध्वनी प्रदूषणाबाबत घालून दिलेल्या सर्व अटींचे तंतोतंत पालन करावे लागेल. तसेच, मिरवणूक किंवा सार्वजनिक कार्यक्रमात आक्षेपार्ह गाणी किंवा चिथावणीखोर घोषणाबाजी होणार नाही याची दक्षता मंडळांनी घेणे अनिवार्य आहे.
३. निवडणूक आचारसंहिता आणि प्रशासकीय नियम
• आचारसंहिता: सध्या सुरू असलेल्या ग्रामपंचायत पोटनिवडणूक आचारसंहितेच्या नियमांचे सर्वांनी पालन करावे.
• वेळेचे बंधन: सर्व कार्यक्रम सकाळी ६:०० ते रात्री १०:०० या वेळेतच पूर्ण करावे लागतील.
• परवानगी व सीसीटीव्ही: कार्यक्रमाच्या जागेसाठी प्रशासनाची रीतसर परवानगी घेणे आणि कार्यक्रम स्थळी सीसीटीव्ही कॅमेरे लावणे बंधनकारक आहे.
• मिरवणूक मार्ग: मिरवणूक केवळ पोलीस प्रशासनाने ठरवून दिलेल्या मार्गानेच न्यावी, ऐनवेळी मार्गात बदल करण्यास सक्त मनाई आहे.
४. वाहतूक आणि सुरक्षा व्यवस्था:
मिरवणुकीमुळे वाहतुकीला अडथळा निर्माण होणार नाही याची काळजी घ्यावी. गर्दीवर नियंत्रण मिळवण्यासाठी मंडळांनी जास्तीत जास्त स्वयंसेवकांची नियुक्ती करावी. डॉ. बाबासाहेब आंबेडकरांनी दिलेल्या समता आणि बंधुतेच्या संदेशाचे पालन करून भारतीय राज्यघटनेच्या शिल्पकाराला अभिवादन करावे, असे आवाहन दक्षिण महाळुंगे पोलीस स्टेशनच्या वतीने करण्यात आले आहे.
What's Your Reaction?
Like
4
Dislike
0
Love
0
Funny
0
Angry
0
Sad
0
Wow
0
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
