Social Activity || लोकशाहीर अण्णाभाऊ साठे यांच्या पुण्यतिथीकडे दुर्लक्ष: चाकण नगरपरिषदेचा बेजबाबदारपणा; नगरसेवक प्रेम जगताप आक्रमक!
लोकन्याय मराठी प्रतिनिधी आशिष ढगे पाटील
चाकण : महाराष्ट्राच्या सांस्कृतिक आणि सामाजिक चळवळीचे महामेरू, क्रांतिवीर लोकशाहीर अण्णाभाऊ साठे यांच्या पुण्यतिथीचा विसर पडणे हे केवळ प्रशासकीय अनास्थेचे लक्षण नसून, थेट महाराष्ट्र शासनाच्या अधिकृत आदेशाचाच अवमान आहे. आज दिनांक १८ जुलै २०२६ रोजी अण्णाभाऊंच्या पुण्यतिथीनिमित्त चाकण नगरपरिषदेत शुकशुकाट असल्याने नागरिकांमधून तीव्र संताप व्यक्त होत आहे.
शासकीय आदेशाला 'केराची टोपली'
महाराष्ट्र शासनाच्या सामान्य प्रशासन विभागाने शासन परिपत्रक क्रमांक जपुती-२०२५/प्र.क्र.१२६/कार्या.जपुक(२६), दिनांक २९.१२.२०२५ अन्वये सन २०२६ मधील मंत्रालय, शासकीय व निमशासकीय कार्यालयात साजऱ्या करावयाच्या जयंती व पुण्यतिथी कार्यक्रमांची अधिकृत यादी जाहीर केली आहे. या आदेशानुसार, सर्व स्थानिक स्वराज्य संस्थांनी महापुरुषांच्या जयंती व पुण्यतिथींचे कार्यक्रम सन्मानपूर्वक साजरे करणे बंधनकारक आहे.
असे असतानाही, चाकण नगरपरिषदेने या शासन आदेशाला हरताळ फासून, आपल्या असंवेदनशीलतेचा आणि बेजबाबदारपणाचा परिचय दिला आहे. नगरपरिषदेच्या कार्यालयात लोकशाहीरांच्या प्रतिमेला साधे हार घालण्यासही जबाबदार अधिकारी किंवा लोकप्रतिनिधींना वेळ मिळाला नाही, हे अत्यंत खेदजनक आहे.
'जाणीवपूर्वक दुजाभाव' – नगरसेवक प्रेम जगताप यांचा घणाघात
या प्रकारावर संताप व्यक्त करत नगरसेवक प्रेम शिवाजी जगताप यांनी प्रशासनाला धारेवर धरले आहे. "शासनाने परिपत्रक काढून मार्गदर्शक सूचना दिल्या आहेत. सर्व महापुरुषांना समान सन्मान देणे ही नैतिक आणि घटनात्मक जबाबदारी असताना, अण्णाभाऊ साठेंच्या बाबतीत दाखवलेली ही अनास्था केवळ चुकीची नसून, ती जाणीवपूर्वक केलेला दुजाभाव आहे," असा खणखणीत आरोप त्यांनी केला आहे.
आंदोलनाचा इशारा..
प्रशासनाच्या या कारभाराची तत्काळ उच्चस्तरीय चौकशी करावी, जबाबदार अधिकाऱ्यांवर कारवाई करावी आणि जनतेची जाहीर माफी मागावी, अशी मागणी प्रेम जगताप यांनी केली आहे. जर प्रशासनाने आपल्या या चुकांची जबाबदारी स्वीकारून सुधारणा केली नाही, तर नगरपरिषदेच्या या गलथान कारभाराविरोधात संविधानिक मार्गाने तीव्र जनआंदोलन छेडले जाईल, असा इशाराही त्यांनी दिला आहे.
आता तरी प्रशासन जागे होणार का?
शासकीय आदेशांचे पालन करण्यात अपयशी ठरलेल्या चाकण नगरपरिषदेच्या या निष्क्रियतेवर आता नागरिकच प्रश्नचिन्ह उपस्थित करत आहेत. जबाबदार खुर्चीवर बसलेल्या लोकप्रतिनिधींचे आणि अधिकाऱ्यांचे अण्णाभाऊंच्या कार्याकडे असलेले हे दुर्लक्ष चाकणकरांच्या भावना दुखावणारे आहे.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
