Chakan Crime ||"नाणेकरवाडी हादरली! डोक्यावर वार, हातात कोयता अन् लोकांची पळापळ; हल्लेखोर पांचाळ पोलिसांच्या जाळ्यात."
परिसरात भीतीचे वातावरण
लोकन्याय मराठी प्रतिनिधी आशिष ढगे पाटील
खेड (चाकण): भररस्त्यात धारदार कोयत्याने वार करत जीवे मारण्याचा प्रयत्न केल्याची धक्कादायक घटना चाकणजवळील नाणेकरवाडी परिसरात घडली आहे. विशेष म्हणजे, हा हल्ला कोणत्याही अनोळखी व्यक्तीने नसून ओळखीच्याच माणसाने केल्याने परिसरात खळबळ उडाली आहे. याप्रकरणी दक्षिण चाकण पोलिसांनी तत्परता दाखवत आरोपीला बेड्या ठोकल्या आहेत.
नेमकी घटना काय?
फिर्यादी रेवण केरवा कावळे (वय ४५, रा. चिंचवड) हे बुधवारी (दि. १ एप्रिल) कामानिमित्त खराबवाडी येथील हायटेक कंपनीत गेले होते. मात्र, कंपनीत वीज नसल्याने काम होऊ शकले नाही. तिथून परतत असताना दुपारी १२:३० च्या सुमारास नाणेकरवाडीतील आरोग्यम हॉस्पिटलजवळ दबा धरून बसलेल्या आरोपीने त्यांच्यावर हल्ला केला.
पाठीमागून आला आणि थेट डोक्यावर वार केला!
मिळालेल्या माहितीनुसार, आरोपी जनार्धन तुकाराम पांचाळ (वय ५२) याने फिर्यादी मागून येत असताना अचानक डोक्यावर कोयत्याने जोरदार वार केला. स्वतःचा बचाव करण्यासाठी रेवण यांनी हात पुढे केला असता त्यांच्या हाताला गंभीर दुखापत झाली. इतक्यावरच न थांबता आरोपीने त्यांच्या बरगडीवरही वार करून शिवीगाळ करत जीवे मारण्याची धमकी दिली.
नागरिकांमध्ये दहशत; दुकाने झाली बंद..
हा प्रकार पाहून घटनास्थळी असलेल्या नागरिकांनी मध्यस्थी करण्याचा प्रयत्न केला. मात्र, संतापलेल्या आरोपीने उपस्थित लोकांच्या दिशेनेही कोयता उगारून त्यांना धमकावल्याने परिसरात दहशतीचे वातावरण निर्माण झाले. भीतीपोटी अनेक दुकानदारांनी आपली दुकाने बंद केली, तर नागरिक सैरावैरा धावू लागले होते.
पोलिसांची 'ॲक्शन' मोडमध्ये कारवाई..
घटनेची माहिती मिळताच दक्षिण चाकण पोलिसांनी तातडीने तपासचक्र फिरवून आरोपी जनार्धन पांचाळ याला अटक केली आहे.
• तपास अधिकारी: वरिष्ठ पोलीस निरीक्षक संजय सोळंके यांच्या मार्गदर्शनाखाली पोलीस पुढील तपास करत आहेत.
• हल्ल्याचे कारण: हा हल्ला नेमक्या कोणत्या जुन्या वादातून किंवा कारणातून झाला, याचा शोध पोलीस घेत आहेत.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
Lokknyaay Marathi: लोकहिताचा न्याय, बातम्यांचा नवा अध्याय! ⚖️
'लोकन्याय मराठी' (Lokknyaay Marathi) हे महाराष्ट्रातील एक उदयोन्मुख आणि विश्वासार्ह डिजिटल न्यूज पोर्टल आहे. आजच्या माहितीच्या युगात बातम्यांचा पाऊस पडत असला तरी, 'सत्य' आणि 'न्याय्य' माहिती लोकांपर्यंत पोहोचवणे हे आमचे मुख्य ध्येय आहे.
आम्ही काय करतो? 📰
आम्ही फक्त बातम्या सांगत नाही, तर त्यामागचा कार्यकारणभाव आणि सर्वसामान्य जनतेवर होणारा त्याचा परिणाम शोधतो. राजकारण, समाजकारण, गुन्हेगारी, मनोरंजन, क्रीडा आणि स्थानिक घडामोडींचे सखोल विश्लेषण आम्ही आमच्या वाचकांसाठी उपलब्ध करून देतो.
आमची उद्दिष्टे: ✨
पारदर्शकता: कोणतीही बाजू न घेता निष्पक्षपातीपणे बातम्या मांडणे.
वेग आणि अचूकता: बातमी सर्वात आधी आणि सर्वात अचूक देण्याचा आमचा प्रयत्न असतो.
जनतेचा आवाज: शोषितांचा आणि सामान्यांचा आवाज प्रशासनापर्यंत पोहोचवणे.
'लोकन्याय मराठी' हे केवळ एक न्यूज पोर्टल नसून, लोकशाहीचा चौथा स्तंभ अधिक मजबूत करण्याचा एक प्रामाणिक प्रयत्न आहे.
धन्यवाद!🙏🚩
आपला: श्री. आशिष ढगे पाटील
संपादक, लोकन्याय मराठी
