क्राईम : पिंपरी-चिंचवड गुन्हे शाखा युनिट-३ ची धडाकेबाज कामगिरी; रिक्षा चोरून जबरी चोरी करणाऱ्या आरोपीला १२ तासांत ठोकल्या बेड्या...

लोकन्याय मराठी प्रतिनिधी आशिष ढगे पाटील 

पिंपरी-चिंचवड: रिक्षा चोरी करून त्याद्वारे नागरिकांना लुटणाऱ्या एका सराईत गुन्हेगाराला पिंपरी-चिंचवड गुन्हे शाखा युनिट-३ च्या पथकाने अवघ्या १२ तासांत बेड्या ठोकल्या आहेत. या कारवाईमुळे पुणे आणि पिंपरी-चिंचवडमधील चोरीचे एकूण ३ गुन्हे उघडकीस आले असून, पोलिसांनी १ लाख ७ हजार रुपयांचा मुद्देमाल जप्त केला आहे.

कशी केली कारवाई..

भोसरी MIDC परिसरात झालेल्या चोरीचा समांतर तपास गुन्हे शाखा युनिट-३ चे पथक करत होते. तांत्रिक विश्लेषण आणि गुप्त बातमीदारांकडून मिळालेल्या माहितीच्या आधारे पोलिसांनी सापळा रचून आरोपीला ताब्यात घेतले. सखोल चौकशी केली असता, त्याने रिक्षा चोरी करून जबरी चोरी केल्याची कबुली दिली.

आरोपीचे नाव..

 * आरोपी: हरीश विनोद कदम (वय २० वर्षे)

 * राहाणार: लोअर इंदिरा गांधीनगर, बिबेवाडी, पुणे.

उघडकीस आलेले गुन्हे..

पोलिसांनी केलेल्या तपासात खालील तीन पोलीस ठाण्यांतील गुन्हे उघड झाले आहेत:

 * भोसरी MIDC पोलीस स्टेशन: (BNS ३०९(६) प्रमाणे)

 * दिघी पोलीस स्टेशन: (BNS ३०४(२) प्रमाणे)

 * सहकारनगर पोलीस स्टेशन (पुणे शहर): (BNS ३०३(२) प्रमाणे)

जप्त केलेला मुद्देमाल (एकूण किंमत १,०७,०५०/- रुपये)

 * रिक्षा: १,००,०००/- रुपये किमतीची रिक्षा (क्र. MH 12 SK 4967)

 * मोबाईल: ५,०००/- रुपये किमतीचा रेडमी कंपनीचा फोन.

 * रोख रक्कम: २,०५०/- रुपये.

तपास पथक...

सदर उल्लेखनीय कामगिरी वरिष्ठ पोलीस निरीक्षक संतोष कसबे, पोलीस उपनिरीक्षक जावळे, पोलीस हवालदार बाबा गर्जे, सोमनाथ बोराडे, श्रीधन इचके, सचिन गोनटे, स्वप्निल महाले, वराडे, सुंदर थोरात, निखिल फापाळे आणि राजू इघारे यांच्या पथकाने केली आहे. या प्रकरणाचा पुढील तपास भोसरी MIDC पोलीस ठाण्याचे अधिकारी करत आहे.